شقيقة أحد متهمي مذبحة بورسعيد :"اخواتنا بيموتوا بالبطئ في السجن" (صورة)
أكدت شقيقة أحمد متهمي مذبحة بورسعيد
ويدعى "محمد قوطة" أن الـ 11 شخصا المحكوم عليهم بالإعدام في أحداث
القضية يتعرضون للتعذيب في السجون.
وكانت محكمة النقض قد أقرت بإعدام 11 شخصا
في قضية مذبحة بورسعيد التي راح ضحيتها 72 من جماهير النادي الأهلي في لقاء المصري
البورسعيدي عام 2012 .
ونشرت شقيقة أحد المتهمين رسالة لها
على صفحتها الشخصية بموقع التواصل الاجتماعي "فيسبوك" قالت فيها :"إخواتنا
بيتضربوا في السجن، ومتبهدلين وكل شويه يلعبو
باعصابهم، ويقولولهم انتو هتتعدمو دلوقتي".
أضافت :" بيموتوهم بالبطيئ، حسبي الله
ونعم الوكيل".
وكان أهالي المحكوم عليهم بالإعدام في القضية قد وجهوا رسالة لمدير الأمن
ببورسعيد والمحافظ وأعضاء مجلس الشعب بالمدينة للتدخل لإنقاذ أبناءهم.
وقال الأهالي في رسالتهم :"
ياريت مدير أمن بورسعيد والمحافظ يدخلوا
في المهزلة اللي بتحصل دي بناشدكم اقفوا مع ولاد بورسعيد المظلومين اهالي المحكوم عليهم
بالاعدام والمحبوسين بوادي النطرون وجمصه راجعين بيصوتوا بعد ما شافوا عيالهم متبهدلين
ومضروبين وجسمهم متبهدل".
أضاف الأهالي :" ربنا ميرضاش بالظلم
ده أعضاء مجلس الشعب ادخلوا الناس كده بتموت بالبطيء حتي حسن المعاملة في مصلحه السجون
مش موجودة دوا الكحة والبرد حتي رافضين يدخلوه ده غير الحبس الانفرادي اللي اعدوا فيه
كل واحد اكتر من 6 ايام من غير اكل ولا شرب وتشيرت وبنطلون فقط اللي لابسنهم في عز
السقعه والأهالي اتبهدلت اخر بهدله عشان تزور عيالها والله حرام اللي بيحصل ده فين
كبار البلد من اللي بيحصل ده".
اختتم الأهالي :"لازم وفد بورسعيدي
يروح للناس دي في السجون ولجنة حقوق الإنسان تبقي موجودة عشان تشوف مدي القسوة اللي
اخواتنا بيتعرضوا ليها كفاية ظلم بقي علي أبناء المدينة الذي دافعت عن مصر في كل الحروب
عبر التاريخ".
