نجم الأهلي السابق يهاجم التحكيم: "بنكيل بمكيالين"
شن عمرو أنور نجم الأهلي السابق، هجومًا قويًا على التحكيم في مصر، وذلك بعد تعادل الأحمر مع فاركو في بطولة الدوري الممتاز هذا الموسم.
وشهدت المباراة إلغاء هدف لصالح الأهلي، الذي سجله بيرسي تاو، لينتهي اللقاء بالتعادل السلبي، ضمن منافسات الدوري المصري الممتاز.
عمرو أنور يفتح النار على التحكيم بسبب الأهلي
وأوضح عمرو أنور في تصريحات تليفزيونية عبر برنامج الريمونتادا على قناة المحور: "أنا مبهاجمش الحكام، ولا بهاجم لجنة الحكام لكن لما حد يرتكب خطأ، يطلعوا يقولوا إن الشخص ده أخطأ".
وتابع: "لكن في كيل بمكيالين كلنا بشر وبنغلط، لكن العقوبة بتتوقع على مدير الكورة أو المسؤول لكن مفيش حكم بيتعاقب".
وأضاف: "مصر كلها شايفة إن الكورة جون، والحكام مشافوش، والحكم مراحش لتقنية الفيديو عشان يتأكد من لقطة الهدف، وهل من الطبيعي إن سيد عبد الحفيظ هو اللي يلفت نظر الحكم ويحاول يلفت نظره بالموبايل، وهل كورة طرد لاعب فاركو محتاجة تقنية فيديو ده الأعمى يشوف اللقطة من غير ما يحتاج تقنية الفيديو".
وعن الدوري الممتاز هذا الموسم قال: "التحكيم جزء من ما يحدث في الأهلي من تراجع خلال منافسات الدوري هذا الموسم، وبرضو اللاعيبة، اللي مش حاسة بالجمهور معنديش مشكلة تخسر بطولة أو تتعادل، لكن اتفرج على آخر كام ماتش مفيش روح".
