ميدو يحذر حكام الدوري المصري من كلاتنبرج: "هيفضحكم"
حذر الإعلامي أحمد حسام ميدو، حكام الدوري المصري من الإنجليزي مارك كلاتنبرج رئيس لجنة الحكام بالاتحاد المصري لكرة القدم.
ميدو: كلاتبيرج مش جاي يهزر
وأوضح ميدو في تصريحات تليفزيونية عبر برنامج الريمونتادا على قناة المحور: "كلاتبيرج مش جاي يهزر، ده جاي يشتغل، وماشي بمبدأ بيعجبني اسمه اللي يصعب عليك في الشغل يفقرك".
وتابع: "السنة اللي جاية كلاتنبرج هينشر فيديوهات لتحليله لقرارات خاطئة من الحكام وهيتم إعلان فكرة عقوبة الحكم بالاسم عشان غلط في القرارات وهيفضح الحكام المقصرين، متقوليش فيشة الغلاية والشاي، كفاية هزار، كلاتنبرج مش جاي يهزر".
وأضاف: "كلاتنبرج هيزعل الحكام ولازم نبعد عن أي مجاملات وسعيد بالشغل اللي معمول في ملف التحكيم ولو فعلنا دور لجنة القيم والأخلاقيات الكورة المصرية هتبقى في حتة تانية".
