رد ناري من رئيس الاتحاد على منتقديه بسبب توقيعه مع نجم الزمالك
قام محمد مصيلحي رئيس مجلس إدارة نادي الاتحاد السكندري، بالرد على الانتقادات التي وجهت له من جماهير الزمالك، بعد انضمام أنس أسامة إلى صفوف سلة زعيم الثغر.
وأوضح مصيلحي في تصريحات تليفزيونية عبر برنامج الريمونتادا على قناة المحور: "في ناس متعرفش عمق العلاقة التاريخية بين الزمالك والاتحاد والمستشار مرتضى منصور هو رئيس النادي الوحيد اللي دعم الاتحاد خلال السنين اللي فاتت بسبب حبه لجماهير الأندية الشعبية".
وتابع: "انا لما وقعت مع انس أسامة مكانش مرتضى منصور موجود ووقعت معاه من اكتر من سنة والعقود كانت معايا في مكتبي وحصل على مليون جنيه من اكتر من سنة وكنت متأكد إن قانونا إن انا ماشي صح".
وأتم: "من ذكاء مرتضى منصور استوعب الموضوع وجه القرار إن أنس أسامة في نادي الاتحاد وكان لازم أطلع بيان اعتذار بعد التجاوزات اللي معدتش ثواني معدودة وكلمت مرتضى منصور بعدها واستوعب الموضوع، اللي تجاوز في حق نادي الزمالك قلة وجماهير الاتحاد تقدر ما يفعله مرتضى منصور مع نادي الزمالك".
