عضو مجلس الزمالك السابق يفتح النار على أمير مرتضى بسبب إمام عاشور
فتح حسين السيد، عضو اللجنة المؤقتة السابقة لإدارة نادي الزمالك، النار على أمير مرتضى منصور المشرف العام على الكرة بالقلعة البيضاء، بسبب إمام عاشور لاعب الفريق الأول لكرة القدم.
وأوضح حسين السيد في تصريحات تليفزيونية عبر برنامج الريمونتادا على قناة المحور: "عملنا عقد إمام عاشور وعبد الله جمعة في يوم واحد يوم 17 نوفمبر وبعدها ب 3 ايام كنا هنوثق لكن يوم 22 مشينا، هل التواريخ دي بتقول إن كان في وقت نوثق العقد؟".
وتابع: "ليه بقى الاستاذ امير مرتضى المشرف العام ليه قال لحقت عقد امام عاشور قبل ما يتوثق وايه هي المشاكل اللي كانت في عقد امام عاشور ما يخرج يقولنا ايه المشاكل الراجل كان بياخد 3 قروش خليتهمله 7 قروش وليه وثقت عقد عبد الله جمعة وليه موثقتش عقد إمام عاشور اطلع قول المشاكل اللي في العقد وتلبسنا احنا الليلة، ومكانش في شروط جزائية".
وأتم: "قعدنا 6 شهور مضينا 7 لاعيبة انت مش عارف تمضي لاعيب واحد عندك؟ طب أنا مالي؟".
