تعليق مثير من ميدو على رحيل عصام الحضري عن المنتخب الأولمبي
علق الإعلامي أحمد حسام ميدو، على رحيل عصام الحضري، عن تدريب حراس مرمى منتخب مصر الأولمبي، وانتقاله لتدريب منتخب سوريا.
وأكد ميدو في تصريحات تليفزيونية عبر برنامج الريمونتادا على قناة المحور: "أبارك للجهاز الفني للمنتخب الأولمبي برحيل عصام الحضري، لأن عصام الحضري مش مركز في الشغلانة مع المنتخب الأولمبي، ممكن يكون معاك حد أقل إمكانيات وقلبه معاك، ومركز معاك بس، أحسن بكتير ما يبقى معاك حد مش مركز".
وتابع: "عصام الحضري كان بيدور على شغلانة تانية طول الفترة اللي فاتت لأنه كان مستقل شغلانة المنتخب الأولمبي، والحضري كان مُشتت، لذلك أبارك للجهاز الفني للمنتخب الأولمبي وأبارك لمصر".
واختتم: "أحسن مليون مرة تجيب حد صغير وعنصر شاب ويكون مركز مليون في المية معاك، لكن اللي مش مركز معاك ده ممكن يعملك مشكلة كبيرة زي اللي حصل بين الحضري وميكالي".
