ميدو يوجه رسالة خاصة لـ الخطيب: كأس الرابطة فرصة العمر
وجه الإعلامي أحمد حسام ميدو، رسالة خاصة إلى مجلس إدارة النادي الأهلي برئاسة محمود الخطيب، بعد أنباء انسحاب الأحمر من كأس الرابطة.
وأوضح ميدو في تصريحات تليفزيونية عبر برنامج الريمونتادا على قناة المحور: "انهاردة شوبير قال إن الأهلي بيفكر في الانسحاب من كأس الرابطة، ومش فاهم بصراحة ليه قرار الانسحاب، ما تلعبوا بالناشئين عندك مواهب في 2003 و2001".
وتابع: "امنح فرصة لشريف عبد الفضيل مثلا مدرب الناشئين، يلعب ماتش أمام حسام حسن أو أي مدرب في كأس الرابطة".
وواصل: "السنة اللي فاتت الناشئين المميزين في الزمالك طلعوا من كأس الرابطة، ويبقى في احتكاك قوي للاعبين، ليه تنسحب؟".
واختتم: "لما سمعت الكلام استغربت، مش لازم تلعب كل البطولات اللي انت بتشارك فيها باللاعبين الأساسيين بتوعك، والموضوع مش خناقة، دي بطولة رسمية، في فترة التوقف، بتتلعب عشان الفرق متتوقفش عن اللعب لفترة طويلة، والدليل فوز الإسماعيلي انهاردة اللي منح اللاعيبة دفعة معنوية كبيرة، وهيمنح ثقة للجهاز الفني واللاعيبة، وبوجه رسالة خاصة لكابتن محمود الخطيب، البطولة دي تتلعب بالناشئين، المميزين للغاية في الأهلي دي فرصة العمر للأهلي".
