ميدو يطالب وزير الرياضة بالتدخل في واقعة سب شيكابالا
طالب الإعلامي أحمد حسام ميدو، وزير الشباب والرياضة، الدكتور أشرف صبحي، بالتدخل في واقعة سب محمود عبد الرازق شيكابالا، قائد الزمالك، من قبل جماهير الأهلي في مباراة فاركو في الدوري المصري الممتاز.
ميدو يطالب وزير الرياضة بالتدخل في واقعة سب شيكابالا
وأوضح ميدو في تصريحات تليفزيونية عبر برنامج الريمونتادا على قناة المحور: "عايز اعرف شيكابالا عملكم ايه عشان تشتموه في الوقت الحالي؟ كان في قصة قبل كدة وانتهت لكن ايه الداعي، ايه المرض ده!".
وتابع: "شيكابالا واحد من أحسن اللاعيبة اللي جات في تاريخ مصر لعبت كورة، سواء اتفقت أو اختلفت على شخصيته، وفي وقت أزمة النادي الأهلي وقت بورسعيد، أول واحد مد إيده وأول واحد قال اتبرع بطلوا لعب عيال صغيرة".
واختتم: "أطالب وزير الشباب والرياضة بالاجتماع مع أساطير الأندية الشعبية لتوعية الجماهير، واللي شتم شيكابالا، مش بيحب الأهلي ده بيضره، وافتكروا لما خسرتوا من الوداد خسرتوا جمهور مش كورة، بنرجع نعيط في الآخر".
