فاروق جعفر يكشف السر وراء تصريحاته حول غرامة كهربا
تحدث فاروق جعفر المرشح لرئاسة نادي الزمالك في الانتخابات المقرر لها خلال شهر اكتوبر المقبل، عن العديد من الملفات الشائكة داخل جدران القلعة البيضاء.
وقال فاروق جعفر في تصريحات تلفزيونية عن غرامة كهربا:" لم أقصد بتقسيط غرامة كهربا خدمة اللاعب بل أقصد مصلحة الزمالك في المقام الأول وبنجري ورا كهربا من 2019 خدنا ايه؟ لازم الكل يبقى واقعي الأهلي مش هيساعد كهربا بحاجه وهو اللي هيدفع.
وتابع:" رئيس نادي الزمالك السابق ودي شغلته معرفش يجيب منه فلوس واللاعب مبيتوقفش يبقى أضيع أنا الفلوس، أنا ميهمنيش اللاعب يتوقف ولا لا أنا يهمني الزمالك ولما تقسط وناخذ ضمانات يبقى أنا كدا هستفيد ماديا وهاخد فلوسي لكن لمًا نخلي الوضع زي ما هو يبقى كدا أنا مش مستفيد حاجة.
وأكمل:" اللعبة الوحيدة اللي مش واخده حقها في النادي حاليا هي كرة القدم ودي كارثة كبرى والقيد بتاع الفريق واقف ومش عارفين نجيب لاعب نقيده واللي يمسك الزمالك مش لازم يكون معاه فلوس بس لا لازم يكون شقي في النادي وتعب وعارف قيمته كويس.
وواصل: "النادي الأهلي على مر التاريخ من يتولوا رئاسته ويحققوا بطولات نجوم كرة من صالح سليم لعبده صالح الوحش لحسن حمدي لمحمود الخطيب والفترة الوحيدة اللي محققش فيها الأهلي بطولات كان متولي النادي رجل الأعمال محمود طاهر والجميع حارب من اجل عودة رجال الكرة مرة أخرى.
واستطرد: "على الجميع أن يعرف نادي الزمالك قلعة رياضية الأولوية الأولى الكرة اللي الناس شجعوه عشنها وبعدها هناك رياضات أخرى وهناك ترابط حاليا بين جميع الأسر داخل نادي الزمالك ودعم أسرة كرة القدم اي على رأسي وحسن شحاتة دائما معي داخل النادي.
واضاف: الناس فهمت غلط بشأن رغبتي في انشاء حضانة داخل الزمالك، كنت ماشي في النادي، وكان في أطفال من ذوي القدرات الخاصة، وأثناء الحديث معهم طالبه أحد بإقامة مدرسة، وأنه تحدث معهم وقال إنه سيهتم بالأشياء الإنسانية".
واختتم: مفيش حد يستطيع جمع كل ديون الزمالك، لآن هناك جهات كثيرة تطالب الزمالك بأموال والديون الداخلية معروفة، لكن الديون الخارجة عن باب النادي، غير معروفة، وسيتم حسمها ولا يوجد رقم صحيح، بشأن ديون الزمالك، وأن هناك بعض المحبين للزمالك يتبرعون من أجل النادي.
