تصريحات نارية من ميدو حول حازم إمام وواقعة المرتبات في الزمالك

علق أحمد حسام ميدو نجم الكرة المصرية السابق، على واقعة المرتبات مع مرتضى منصور في نادي الزمالك.

وصرح ميدو: "مرتضى كتب حازم مدير الكرة ومرتبه 100 ألف جنيه، وكتب ميدو مدير فني ومرتبه 140 ألف جنيه".

ميدو: حازم إمام لا يمكنه الترشح أمامي

تابع: "أخدت من مرتضى منصور الورق والقلم وعكست الكلام وقلتله ميصحش حازم يبقى أقل مني وهو أقدم مني، وحازم ميعرفش القصة دي بالمناسبة لاني لأول مرة أقولها".

وقال ميدو خلال استضافته ببرنامج "أسرار" مع الإعلامية أميرة بدر المذاع على قناة النهار: "حازم إمام غلطته إنه حمل نفسه فوق طاقته وتصدر المشهد وطلع على المسرح".

ميدو يهاجم الأهلي والزمالك بسبب تركي آل الشيخ (شاهد)

معتز إينو: مانويل جوزيه طلبني في الأهلي.. وأعتبره الأب الروحي لي

وأردف: " هل حازم إمام هو سبب خراب الكرة في مصر، غلط إنه اتفاوض وهو مش شغلته، المفروض في ناس شغلتها الحسابات والتفاوض، خد قرارات فنية كتير خاطئة، لأن مصر كانت ممكن تكسب البطولة دي".

وأكمل: "متفائل بحسام حسن، وممكن امسك نادي الزمالك في وقت من الاوقات، عشان امسك الزمالك لازم ابقى جاهز للمواجهات هدافع حتى لو هتسجن، في ناس كتير اكيد مش عايزاني وهتحاربني".

واختتم: "أنا أصغر لاعب درب الزمالك واصغر لاعب مثل مصر وان شاء الله هبقى أصغر رئيس للزمالك، وعمري ما أنزل انتخابات قدام حازم لكن ممكن ابقى نائب له، وحازم مينزلش قدامي لإنه عارف اني هكسبه".