كلام في الكورة مع نورين شحاتة: ممكن أقدم برنامج رياضي بس بشروط!

هي إحدى الوجوه الجميلة التي ظهرت على الشاشة الصغيرة خلال السنوات الأخيرة..

تميزت باطلالة جذابة وقدمت نجاحا ملحوظا من خلال العمل في أكثر من محطة فضائية..

هي المذيعة الشابة نورين شحاته مقدمة برنامج حياتك صحتك على فضائية صدى البلد..

حاورها الفجر الرياضي حول الجانب الرياضي من حياتها وما أهمية الرياضة في الحفاظ على مظهرها أمام الكاميرا وكذلك في تطوير شخصية الإعلامي بشكل جيد كما كشفت لنا عن انتمائها الرياضي داخل وخارج مصر:

================

أولا.. قبل ما نتكلم في الرياضة شايفة تجربتك مع نوعية البرامج الخاصة بالأمور الغذائية والطيبة ازاي؟

تجربتي مع البرامج الطبية أضافت لثقافاتي بشكل جيد ومن اجل البرامج المحببة لقلبي برنامج حياتك صحتك، أثر على حياتي بشكل أفضل مع المشاهد، جعلني اهتم اكتر بالرياضة اكثر وأضاف لاهتمامتي بشكل جيد، اعتبره من افضل التجارب الاعلامية في مسيرتي..

تعالي نروح بقى للرياضة.. أهمية الرياضة في حياتك هل بتلعبي رياضة معينة بشكل دوري وبتروحي الجيم ولا لا واخر مرة كانت امتى؟

اكيد بروح الجيم لكن مش بشكل منتظم اخر مرة كانت خلال يومين لكن هارجع تاني لاني بحب الرياضة بالنسبالي اسلوب حياة.. بلعب يوجا بشكل منتظم من زمان..

اكلك صحي ولا مش بانتظام؟

بالتأكيد اكلي صحي بشكل منتظم وفي الغالب معظم الوقت افضل ذلك وعندي اختياراتي المفضلة فيه..

تعالى نروح للكورة بقى.. بصراحة كدة بتشجعي مين؟

بشجع الاهلي من وانا طفلة..

امتى آخر مرة روحتي الاستاد؟

اخر مرة كانت في تصفيات كأس العالم مع منتخب مصر اللي وصلنا فيها لمونديال روسيا..

عندك تيشرت فريق عالمي في البيت؟

عندي اكتر من تيشرت برشلونة وليفربول ومانشستر سيتي..

لو جاتلك الفرصة تحضري ماتش في أوروبا مين اللاعب العالمي اللي ممكن تحضري ليه ماتش وتلبسي التيشيرت بتاعه؟

اكيد هاحضر ماتش ليفربول في انفيلد وهالبس تيشرت صلاح..

شايفة نجاح محمد صلاح في أوروبا ازاي؟ وازي نستغل وصوله للعالمية في تسويق اسم مصر دوليا؟

صلاح مثال حي ومشرف لمصر في أوروبا بأخلاقه وانتمائه الكبير لبلده ورغبته المستمرة في إظهار التمثيل المشرف لمصر، اعتقد إنه واجهة مشرفة واكبر دعاية تسويقية لنا في الخارج، نصيحتي للشباب فيما يخص الحديث عن صلاح انك تصدق حلمك بشكل اكبر وتشتغل دون النظر لغيرك..

نورين وجه جميل بشاهدة الكثيرين.. لو جت لك الفرصة تشاركي في عمل فني سينمائي أو درامي خاص بالكورة أو غيرها توافقي؟

لو عمل مناسب اكيد ممكن أوافق اية المانع..

زمان كان في لاعيبة دخلوا مجال التمثيل زي إكرامي وجمال عبد الحميد.. مين اللاعب المصري اللي شايفة إنه ممكن يكون ممثل شاطر دلوقتي؟

عندي قناعات خاصة أن الموهبة تفرض نفسها على الجمال أو الشهرة وافتكر أن جمال عبد الحميد واكرامي كان عندهم جزء كبير من الموهبة خصوصا في أفلام إكرامي مع الراحل الكبير سمير غانم لكن الآن ماعنديش حد معين اقدر اقول عليه مثلا إنه لاعب كرة أو رياضي ممكن يكون ممثل شاطر لازم موهبته هي اللي تحكم اولا..

اخيرا نورين ممكن تقدم برنامج رياضي ولا بتفضلي التخصص؟

اية المانع لو هناك اسكربت جيد وفكرة جديدة ممكن جدا اقدم برنامج رياضي.. 

=================

تعالى نلعب مع بعض:

على طريقة كرة القدم هنسالك أسئلة سريعة وجاوبي عليها في أي مجال في حياتك:

تطلعي لمين الكارت الأحمر؟

اطلع الكارت الأحمر للفشل

تحسبي على مين ضربة جزاء؟

الناس المحبطة والناس الراغبة في إيقاف مسيرة اي شخص ناجح..

تطلعي لمين إنذار؟

الخوف

الكورة فيها تقنية حديثة اسمها ال var وهو إعادة اللعبة كذا مرة.. أية الحاجة اللي حصلت في حياتك ومحتاجة انك تعديها تاني وتالت عشان تاخدي القرار المناسب؟

انا مؤمنة جدا أن كل حاجة في الكون بتمشي بحكمة من ربنا.. ونحن كبشر لانستطيع إعادة الماضي بالتأكيد أو اي موقف مر علينا سوا بالايجاب أو السلب، حتى لو اعديت المواقف الجميلة مرة أخرى لن تصبح مثل المرة الأولى، علينا أن نصنع الجيد في حياتنا مرة أخرى، اعتقد ان القرارات الخاطئة في حياتنا التي حدثت في الماضي هي أكبر دافع لصناعة الأشياء الإيجابية مستقبلا، مقتنعة بكل قراراتي في الماضي وراضية عنها تماما وبالتاكيد تعلمت منها الكثير..