ناقد رياضي يتوقع فوز الأهلي بالدوري المصري لهذه الأسباب
توقع الناقد الرياضي خالد طلعت، فوز الفريق الأول لكرة القدم بالنادي الأهلي، بلقب الدوري المصري الممتاز هذا الموسم، في ظل اشتعال المنافسة بين فرق الأهلي والزمالك وبيراميدز حتى الآن.
الأهلي والزمالك وبيراميدز يشعلون الدوري
وكان الأهلي والزمالك وبيراميدز قد نجحوا في تحقيق الانتصار على الجونة وسموحة والإسماعيلي بالترتيب، أمس الأحد، في الدوري المصري الممتاز، لتشتعل المنافسة بين الثلاثي.
ترتيب الدوري المصري
1- الزمالك - المركز الأول - 60 نقطة.
2- بيراميدز - المركز الثاني - 56 نقطة.
3- الأهلي - المركز الثالث - 51 نقطة.
4- فيوتشر - المركز الرابع - 42 نقطة.
5- سموحة - المركز الخامس - 39 نقطة.
6- طلائع الجيش - المركز السادس – 38 نقطة.
7- البنك الأهلي - المركز السابع - 37 نقطة.
8- فاركو- المركز الثامن - 35 نقطة.
9- سيراميكا كليوباترا - المركز التاسع - 32 نقطة.
10- المصري - المركز العاشر - 31 نقطة.
11- إنبي- المركز الحادي عشر - 30 نقطة.
12- الاتحاد السكندري - المركز الثاني عشر - 30 نقطة.
13- الإسماعيلي - المركز الثالث عشر - 26 نقطة.
14- غزل المحلة - المركز الرابع عشر - 26 نقطة.
15- الجونة - المركز الخامس عشر - 26 نقطة.
16- المقاولون العرب - المركز السادس عشر - 23 نقطة.
17- إيسترن كومباني - المركز السابع عشر - 21 نقطة.
18- مصر المقاصة - المركز الثامن عشر _ ١٥ نقطة.
ناقد رياضي يتوقع فوز الأهلي بالدوري المصري لهذه الأسباب
وأكد خالد طلعت، أن الأهلي الأقرب للفوز بلقب الدوري المصري الممتاز لعدة أسباب سردها كالتالي:
1- ماتشات الأهلي أسهل بكتير من الزمالك ومن بيراميدز كمان، الأهلي خلاص خلص ماتشاته الصعبة مع الزمالك المتصدر ومع بيراميدز التاني، ومع فيوتشر الرابع، ومع سموحه الخامس، ومع البنك الاهلي السادس، وكل ماتشاته المتبقية مع فرق النص التاني من الجدول بدءا من المركز السابع ولحد المركز 18 والاخير
2- الزمالك لسه متبقي له ماتشات صعبة جدا مع بيراميدز التاني، ومع فيوتشر الرابع، غير كمان ماتشين مع الفرق الشعبية الكبيرة المصري والاتحاد، وماتش الجونة في الجونة وفاركو في اسكندريه، يعني تقريبا معظم ماتشاته صعبة جدا
3- بيراميدز كمان باقي له ماتشات صعبة جدا مع فرق القمة مع الزمالك المتصدر، ومع فيوتشر الرابع، ومع سموحه الخامس، ومع البنك الاهلي السادس
4- الأهلي الفترة اللي فاتت كانت الأصعب لأنها مع مدرب جديد لسه بيتعرف على اللاعيبة، ومع تحفظي على المدرب بشدة ومتأكد إنه مش هياخد بطولة إفريقيا مع الأهلي، ولكن أكيد مع الوقت هيكون أفضل وهيعرف اللاعيبة أكتر وطبيعي الاداء والنتائج هاتتحسن في باقي ماتشات الدوري
5- الأهلي الفترة اللي فاتت كانت الاصعب في غيابات اللاعبين لأن عدد كبير من اللاعيبة غاب للاصابات ومع الوقت اللاعيبة هتبتدي ترجع واحد ورا التاني باستثناء 2 فقط وهم حسين الشحات ومحمد شريف
6- الزمالك رحل عنه أهم لاعبيه وأكثرهم تألقا وهو أشرف بن شرقي وبالتالي الزمالك هيلعب من غيره 8 ماتشات كاملة وكلها ماتشات مهمة وصعبة، وبن شرقي رحيله هيأثر بشكل سلبي كبير على اداء الزمالك خاصة وان مركزه مفيش لاعب تاني بديل ليه كجناح شمال، ومعظم لاعبي االطرف في الزمالك كلهم بيلعبوا جناح يمين زي زيزو وشيكابالا
7- الزمالك بيلعب بقايمة محدودة من اللاعبين بسبب ايقافه عن التعاقد مع لاعبين جدد، ورحل منه كمان مروان حمدي في بداية الموسم ومصطفى فتحي في نص الموسم، وكمان غاب عنه الثنائي المهم جدا أبو جبل وطارق حامد، وكمان رحل بن شرقي واوناجم ورزاق سيسيه، فيريرا قدر بذكاء وخبرة يعدي كل المشاكل دي في الماتشات الاخيرة بالاستعانة باللاعبين الشباب لكن صعب جدا يكمل كده لنهاية الموسم لأن هيحصل اصابات وايقافات واجهاد والزمالك معندوش البديل الكفء
8- دايما ماتشات الجولات الاخيرة بتعتمد اكتر على خبرة اللاعبين اكتر من الفنيات، وطبعا في ظل غياب ورحيل عدد كبير من لاعبي الزمالك الخبرة واعتماده على الشباب، فعامل الخبرة في الجولات الاخيرة هيصب في صالح لاعبي الاهلي بشكل كبير جدا وده هيخليهم يقدروا يحسموا المنافسة على الدوري
9- الأهلي هو المرشح الأول للفوز بالدوري بنسبة 70 % في رأيي ولو الأهلي وقع لأي سبب هيكون بيراميدز ساعتها هو كمان أقرب للفوز بالدوري من الزمالك، لأنه بيمتلك أقوى قايمة بين الفرق التلاته بس محتاج لاعيبته يركزوا ويثقوا في نفسهم انهم ممكن يحققوا بطولة، نسبة بيراميدز 20 % والزمالك المرشح التالت في رأيي بنسبة 10 % فقط لكل الأسباب اللي ذكرتها فوق.
