وكيل بلحاج: سنتجه إلى فيفا بعد أزمة القيد مع الزمالك
أكد عبد الرحمن إسماعيل وكيل أحمد بلحاج لاعب الزمالك، أن هناك اتجاه لتقدم التماس في الاتحاد الدولي لكرة القدم "فيفا" لمعرفة موقف اللاعب.
وكيل بلحاج: سنتجه إلى فيفا بعد أزمة القيد مع الزمالك
قال عبد الرحمن إسماعيل في تصريحاته عبر برنامج الريمونتادا على قناة المحور: "اتفاجئنا إن أحمد بلحاج متسجلش مع نادي الزمالك، كنا في نادي الزمالك واللاعب متسجل على السيستم في اتحاد الكرة".
وأضاف: "ايه ذنب اللاعب في هذه الأزمة؟ شريكنا في اللاعب وهو وكيل هولندي عايز يعرف موقف اللاعب، وقد يتجه إلى فيفا للتعرف على موقف اللاعب".
واختتم حديثه قائلا: "بلحاج لاعب أجنبي مينفعش يحصل معاه كدة وميبقاش التعامل كدة".
مرتضى منصور لاتحاد الكرة: أنا مش صغير عشان اتحول للتحقيق
ونشر مرتضى منصور رئيس مجلس إدارة نادي الزمالك، فيديو عبر صفحته الرسمية على موقع التواصل الاجتماعي فيسبوك، يكشف به تفاصيل مكالمته مع المدير المالي للشركة الراعية ومسؤولي اتحاد الكرة المصري.
تفاصيل مكالمة مرتضى منصور مع المدير المالي للشركة الراعية
وقال مرتضي منصور في مكالمة مع المدير المالي للشركة الراعية “ دلوقت هكتبلهم جواب وانا اللي همضيه هتحولهم المبلغ اللي انا قولت عليه يوم الحد لصالح اتحاد الكورة واخصمهم من مستحقاتي اللي ليا.. انا غلطت يا بيه اهو كلمه عشان تتفق معاه اتفضل ”.
وجاء رد محمد الماشطة المستشار القانوني لاتحاد الكرة “ لا يا باشا مانا سامعه اهو طيب لو متحولوش يوم الحد يا مرتضي بيه”.
فرد مرتضي منصور “ اعتبر القيد كأن لم يكن عايز حاجه تاني انا غلطان”.
وقال محمد الماشطة “ والله هو الاستاذ وليد بيعرض ”.
فرد مرتضي منصور “ انا اصلا مكنش طايق اجي هنا مش معقول اقدم شكوي ضد لاعب قليل الادب منحرف اسمه كهربا انا اللي اتحول للتحقيق مش ممكن ”.
فقال محمد الماشطة " خلي موضوع اللاعب دا علي جمب '.
فرد محمد ابو الوفا عضو مجلس إدارة اتحاد الكرة “ اللاعب امتثل وجه وكان هياخد عقوبة يا سيادة المستشار وخلي الموضوع دا دلوقت على جمب”
فقال مرتضي منصور “ يا محمد بيه هل ينفع ان الجوابين يروحوا مع بعض انا وهو انا بسألك سؤال احنا الاتنين لو روحنا في وقت واحد انت كدا بتهيني انا”.
فرد محمد الماشطة “ يا مرتضي بيه انت شاكي ومشكي في حقك أنت تعالي قول اقولك ”.
فقال مرتضي منصور “ يا راجل انت رجل قانون قديم انت مشوفتش الادارية العليا إنه لا يجوز ”.
فرد محمد الماشطة “ تتحل المشكلة بما يتفق مع الكل ”.
