مرتضى يُكرر: هتدخل في التشكيل واللي مش عاجبه يخبط دماغه في أقرب حيطة ! (فيديو)
قال مرتضى منصور، رئيس نادي الزمالك أن الأهلي استغل فرصتين أحرز منهما هدفين، واستحوذ في الشوط الأول ولم تذهب أي كرة لإكرامي، والزمالك استحوذ في الشوط الثاني لكنه كان سلبيًا.
وأكمل في تصريحات إذاعية عبر أثيرالشباب والرياضة: "هتدخل في التشكيل واللي مش عاجبه يخبط دماغه في أقرب حيطة، ولو عايز تأخد دوري العب برأسين حربى، لأن باسم النهاردة كان لوحده، كان لازم جعفر يلعب مع باسم النهاردة بعد إصابة ستانلي، والأهلي لعب بمهاجم واحد لأن لديه مؤمن زكريا ووليد سليمان يزيدوا مع مروان محسن".
وأضاف ضاحكاً: "أنا عايز أخد فرصتي في التدريب، والموضوع مبقاش كيمياء، لأن فاروق جعفر علمني الثقافة الكروية من كتر ما اتفرجت عليه في التحليل، هجيب مدرب لياقة بدنية وأحط أنا الخطة، كنت بنادي بصوت عالي ان الجبهة اليمين مفتوحة للأهلي، وتقريباً محمد حلمي سمعني ونزل شوقي السعيد، أنا عملت منشآت داخل النادي وأنا مش مهندس".
وواصل: "دخلت المباراة وأنا مش متفائل لأن المباراة هي القمة 113، وانا لا أتفائل بهذا الرقم، لاني اتفصلت من القضاء يوم 13/12"
