ميدو يفجر مفاجأة عن أزمة الأندية المشاركة بمسابقات إفريقيا ويهاجم أحمد مجاهد

فجر الإعلامي أحمد حسام ميدو، مفاجأة مدوية بشأن أزمة الأندية التي ترغب في المشاركة بالمسابقات الإفريقية خلال النسخة المقبلة.

ميدو يوضح دور مجاهد في أزمة الأندية بمسابقات إفريقيا

وأوضح ميدو في تصريحات تليفزيونية عبر برنامج الريمونتادا على قناة المحور: "قبل بداية مسابقة الدوري الممتاز، اتحاد الكرة عمل لائحة تضمنت أن المشاركين في مسابقات إفريقيا للموسم المقبل سيتم بناء على نتائج الدور الأول من الدوري، وجميع الأندية الـ18 قاموا بالتوقيع على هذه اللائحة".

وتابع: "في أحد المسؤولين السابقين في اتحاد الكورة المصري، كلم بعض الأندية في الدوري المصري وقالهم اتحركوا في ملف المشاركة بالمسابقات الأفريقية في الموسم المقبل، وقالهم أنا أقدر أجبلكم حقكم، وأقدر أخليكم تشاركوا بس اعملوا شكاوي، رغم إن هو عارف إن الأندية كلها كانت موقعة على اللائحة الخاصة بالبطولة قبل انطلاقها".

وأتم: "مش مصدق إن الناس دي  وهما موجودين في المناصب الدولية، يكون شغلهم الشاغل، محاربة الكورة المصرية، المهندس أحمد مجاهد راجل اشتغل في مناصب مختلفة داخل اتحاد الكورة، ودلوقتي له منصب في الاتحاد الأفريقي بناء على منصبه لسنوات ماضية، في اتحاد الكرة المصري تخيلوا إن شغله الشاغل محاربة اتحاد الكورة الحالي، تخيلوا إن الراجل قبل أن يُسلم اتحاد الكرة صدر مشاكل بالجملة لاتحاد الكرة الحالي لتعطيلهم، وجدد لشوقي غريب عن عمد، وقام بعمل شرط جزائي، عشان خاطر اتحاد الكرة الجديد، يكون في مشكلة، ويضطر لإقالته، تخيلوا إنهم جددوا العقد مخصوص براتب أعلى عشان يقوموا بتصدير مشكلة لاتحاد الكرة الجاي، وتم المماطلة بشأن إقامة كأس مصر للموسم الماضي لافتعال أزمة أيضا، ومجاهد كان بيكلم كيروش بيسخنه كل يوم وبيكلم الصحفيين ويسخن المدرب، وكيروش فضحه في تغريدة رسمية، لما شكره على المجهود اللي عمله معاه".

ميدو يكشف كواليس جلسة سرية بين فيريرا وأمير مرتضى

عاجل.. ميدو يحذر لاعبي الزمالك من انتفاضة الأهلي

ميدو يشن هجومًا قويًا ضد أحمد مجاهد
 

وأوضح ميدو في تصريحات تليفزيونية عبر برنامج الريمونتادا على قناة المحور: "الكرة المصرية هي اللي عملت أحمد مجاهد، وأنت بتشتغل دلوقتي في الاتحاد الإفريقي ومعاك منصب بتقبض منه كويس، ليه عايز تفتعل الأزمات ومركز إنك تحارب الكورة المصرية".

وتابع: "ليه عايز الناس كلها تبقى فاشلة زيك يا أحمد يا مجاهد، نفسي أعرف مين اللي وراك، والكل ساكت على تاريخ عيلتك أو بعض الأفراد فيها".

وأتم: "لازم اتحاد الكورة الحالي يرد على الناس اللي بتحاربه، ولازم يبقى ليكوا وقفة قدام أحمد مجاهد اللي عايز يحارب الكورة المصرية، ويفتعل أزمات فيها، مجاهد اتحط في نفس الموقف وسموحة طلب المشاركة في الكونفدرالية في عهده واتحاد الكورة قاله دي مش قصتنا، ومجاهد رد قالهم روحوا اشتكوا في الاتحاد الإفريقي ليه عايز كل الناس تبقى فاشلة زيك".