أحمد عادل "ميسي" يفجرها: حاربت من أجل الرحيل عن الزمالك
فجر أحمد عادل "ميسي"، لاعب الفريق الأول لكرة القدم بنادي الاتحاد السكندري، مفاجأة بشأن رحيله في وقت سابق عن صفوف الزمالك.
أحمد عادل: حاربت للرحيل عن الزمالك
وأوضح أحمد عادل في تصريحات تليفزيونية عبر برنامج الريمونتادا على قناة المحور: "كنت بحارب عشان امشي من الزمالك عشان فرصتي في اللعب صعبة، أنا كنت عايز اشارك وده عملي مشاكل مع إدارة الزمالك كتير، وكانت كل اللاعيبة بتمشي معادا أنا، وانا كنت عايز أمشي عشان أظهر أكتر وأحصل على فرصة كاملة في المشاركة".
وعن تواجده في فريق الاتحاد السكندري قال: "التوأم حسام وإبراهيم حسن لديهم ميزة بأنهم طوال الوقت يريدون تحقيق الفوز، وليس كل اللاعبين قادرين على تحمل هذا الضغط، خاصة الضغط الجماهيري، والتغيير الفني ليس ميزة".
وواصل: "المرحلة الأخيرة كان لا بد فيها من تحمل المسؤولية بالنسبة لكل اللاعبين".
وأتم: "حسام حسن عايزك دايمًا تديله 100% طول الوقت، وعشان كدة أنا مبسوط إني ادربت معاه وكان سبب رئيسي في تواجدي في الاتحاد، ومكالمته معايا كانت حاسمة رغم إني كان عندي عرض أعلى من اللي مقدمه الاتحاد".
