ميدو يوجه رسالة قوية للاعبي الدوري المصري: "لو مش هتتحمل الضغوط متلعبش كورة"
وجه أحمد حسام ميدو نجم منتخب مصر الوطني السابق، رسالة قوية للاعبي الدوري المصري، مشيرًا إلى أنه من لا يتحمل الضغوط يتجه إلى مهنة أخرى غير كرة القدم.
وأوضح ميدو في تصريحات تليفزيونية عبر برنامج الريمونتادا على قناة المحور: "بالطبع بعض الجماهير تقسو على بعض اللاعبين، لكن ليه اللاعب بياخد 15 مليون جنيه عكس أي واحد تاني؟ مهو ده جزء من الضغوط عشان انت لاعب كورة".
وتابع: "لو مش قادر تتحمل الضغوط روح اشتغل في بنك والبس بدلة وافتح حسابات للناس".
واستكمل: "الكورة فيها جزء كبير من الضغوط ولازم اللاعب يتعامل معاها بشكل ذكي، وكلنا مرينا بضغوط وحملات ممنهجة لكن بنتعامل بنقف على رجلينا مرة تانية".
وأتم: "مكانش في حد من لاعيبتنا بيعيط ويقول إن في جماهير بتهاجمني، بالعكس لو انت هتعيط الناس مش هتتعاطف معاك".
