عاجل.. تفاصيل فيديو مرتضي منصور من داخل اتحاد الكرة لقيد صفقات الزمالك ومواجهة نارية مع أعضاء الجبلاية
نشر مرتضى منصور رئيس مجلس إدارة نادي الزمالك، فيديو عبر صفحته الرسمية على موقع التواصل الإجتماعي فيسبوك، للكشف مؤامرات اتحاد الكرة ضد القلعة البيضاء.
وفتح مرتضى منصور النار على اتحاد الكرة المصري، بعد عدم قيد صفقات نادي الزمالك الجديدة قبل قفل باب القيد.
تفاصيل فيديو مرتضى منصور
قال مرتضى منصور لمحمد أبو الوفا عضو مجلس إدارة اتحاد الكرة المصري" يا محمد بيه دلوقتي في وقت للهزار وفي وقت لغير الهزار عايز تتخانق معايا اتخانق معايا انا متتخانقش مع النادي عدم قيد الولاد انهارده هيعمل كارثة".
وجاء رد محمد ابو الوفا “ يا فندم احنا من اول الشهر بنقول ان في قرار مجلس ادارة بان الاتحاد مفيهوش فلوس وكل الاندية امتثلت وكل الاندية دفعت اللي دفع 25% ".
واضاف مرتضى منصورقائلا “ يا باشا ما انت عارف ان النادي محجوز عليه انا محجوز علي 70 مليون هل تتصور يا محمد بيه ان انا هتأخر محجوز علي 70 مليون ويقولي هات كاش انت عارف ان المخالفة اللي جاتلنا احنا كنا بنحط الفلوس في الخزنة”.
ورد محمد ابو الوفا “ طب ما انت لسه مدي اسوان 5 مليون جنيه من نص ساعة الراجل واقف تحت وهو قريبي اساسا وقالي والله”
وواصل مرتضي “ مرتضي منصور ” محصلش يا محمد بيه مانا عارف إنه قريبك محصلش يا بيه واخد شيك".
ورد محمد ابو الوفا “ انت جايلي دلوقت الساعه 11 دا انا جاي بالصدفة ".
وأكمل مرتضى منصور “ عشان نخلص من الموضوع دا هعملك حل جميل اصل لازم العيال هتتقيد يعني هتتقيد انا حكتبلك جواب دلوقت انا ليا عند الشركة الراعية 60 مليون هعملك دلوقت حوالة حق 10 مليون تصرفهم يوم الحد واطلبلك بتوع الشركة دلوقت اي رأيك ".
وتدخل وليد العطار المدير التنفيذي لاتحاد الكرة في الفيديو ورد على مرتضى منصور" والله دا رأي المجلس انا عندي قرار مجلس وانا بنفذه".
وقال ممرتضى منصور ردا على العطار “ اصل القرار اللي بتنفذه دا هيولع الدنيا صدقني انا بقترح اهو 5 مليون شيك واعمله حوالة حق 10 مليون جنيه يخدهم من الشركة الراعية يوم الحد الموضوع مفيهوش هزار ".
وواصل" مرتضى منصور “ متقعدوش تبصولي لبعض والكلام دا مش همشيه هيتقيدوا يعني هيتقيدوا واتحملوا المسئولية قدام الناس هو انتوا عشان اتحاد كورة هتذلونا هي دي تصفية حسابات بيني وبينكم ".
ورد محمد ابو الوفا “ انا مقولتش دي تصفية حسابات احنا معاك ومع نادي الزمالك ومع النادي الأهلي وكل الأندية احنا من اول الشهر واحنا بنقول ".
ودخل محمد الماشطة المستشار القانوني لاتحاد الكرة في الحديث قائلا “ دا قرار مجلس والمفروض يتعرض الكلام دا علي المجلس ومفيش مانع ما دام الفلوس هيتحولوا”.
ورد عليه مرتضى منصور “ وانا اجيب اعضاء المجلس دلوقت منين ".
رد محمد الماشطة “ التليفون موجود ".
وقال مرتضى منصور “ انا بقول هتحصل مشكلة كبيرة اكبر من جمال علام 100 مرة دي جماهير بالملايين انا بقول اهو العيال دي لو متقيدتش هو انتوا بتذلونا”.
وأردف المستشار القانوني لاتحاد الكرة “ لا يا سيادة المستشار مفيش ذل ولا حاجة”
ورد مرتضى منصور “ انتوا اتحاد الكورة لخدمة الكورة ولا عشان نصفي حسابات.. مش وقت تصفية حسابات يا بيه انا محجوز عليا ”.
ورد محمد الماشطة “ لا هي مش تصفية حسابات محجوز واحنا قولنا كذا مرة علي الفلوس دي يتم تسويتها ”.
واكمل “ مرتضى منصور ” يوم الحد حضرتك تبعتلي حد من الادارة المالية وحضرتك مستشار قانوني ونقعد ونشوف ليك كام ونجدولهم ".
وقال محمد الماشطةردا “ بص يا مرتضي بيه بعيد عن العصبية وبعيد عن اي حاجه الموضوع يتحل الاستاذ وليد بيتكلم مع مجلس الادارة عشان القرار الموجود لو الفلوس هتتحول يوم الحد من الشركة الراعية ماشي بس مجلس الادارة يقول”.
