عاجل.. أول تعليق من نجم الأهلي السابق على توديع الزمالك دوري أبطال إفريقيا
علق محمد بركات، نجم النادي الأهلي السابق، على خروج الفريق الأول لكرة القدم بنادي الزمالك من دور المجموعات لدوري أبطال إفريقيا هذا الموسم.
وكان فريق الزمالك قد خسر بهدفين نظيفين أمام نظيره شباب بلوزداد الجزائري، بهدفين نظيفين، ضمن منافسات الجولة الخامسة من دور المجموعات في بطولة دوري أبطال إفريقيا، أمس الجمعة، ليغادر البطولة.
وأوضح بركات في تصريحات تليفزيونية عبر برنامج الريمونتادا على قناة المحور: "الزمالك اسم كبير، بس الزمالك هيفضل كل سنة يخرج من مجموعات إفريقيا؟ الدنيا مش هتقف على جون تامر عبد الحميد في الرجاء الناس عايزة تشوف الزمالك بيكسب إفريقيا تاني".
وتابع: "كل مرة الزمالك هيخرج من دور المجموعات، الزمالك السنة اللي فاتت مكسبش ماتش من الستة في دور المجموعات، والسنة دي من خمس ماتشات مغلوب تلاتة".
وواصل: "هل الزمالك باللاعيبة اللي موجودة جواه والمهارات العالية ميقدرش إنه يكسب شباب بلوزداد".
واختتم: "ايه اللي قدمه فيريرا والزمالك انهاردة عشان يحافظ على حظوظه؟ ولازم الزمالك كان يبقى أجرأ شوية، فين الهجوم فتوح مش بيهاجم، في علامات استفهام على فيريرا، وهل فيريرا من ساعة ما رجع، هل هو مركز".
