عمر جابر: تنبأت لكهربا بالهدف .. وأتوقع أن يحرز صلاح هدف الفوز أمام بوركينا فاسو
قال عمر جابر لاعب منتخب مصر وبازل السويسري، أن لاعبي الفراعنة كلهم يحبون بعضهم البعض، ولا توجد أي خلافات بينهم.
وتحدث جابر في تصريحات لبرنامج "خاص الجابون 2017" قائلاً: "اللاعيبة كلها بتحب بعض والجهاز الفني عامل حالة كويسة تخلي اللاعيبة تحب بعض".
وأضاف: "اللعب من عدمه يرجع لوجهة نظر مستر كوبر، والمهم التواجد في منتخب بلدك، وأنا كنت بلعب بشكل أساسي باستمرار من قبل، وتواجد أحمد فتحي وأحمد المحمدي يلعبا بشكل جيد، ولما بقعد احتياطي فأنا قاعد للاعيبة كبيرة".
وأكمل: "تنبأت لكهربا إنه يجيب جول في مباراة المغرب بعد عزف السلام الوطني، وبعد ما مستر كوبر قاله سخن قلتله جيب جول وتعالى، وأتوقع إن محمد صلاح يحرز هدف الفوز أمام بوركينا فاسو".
وواصل: "أكيد الفريق اللي وصل قبل النهائي فريق كبير، وأكيد الجهاز الفني هيحفظنا طريقة لعبهم، أول لما وصلنا كنا بنلعب كل ماتش بماتشه وكنا مركزين، وربنا كرمنا أمام أوغندا، وكسبنا غانا وده بيدينا أولويه في مواجهتهم في التصفيات".
وأوضح: "المنتخب كان غايب من فترة كبيرة، وكان لازم نقول إن مصر رجعت تاني وأكد ده رينارد مدرب المغرب في تصريحاته بعد المباراة".
وأتم: "أي لاعب مبيلعبش بيزعل، لكن في لاعب بيقلب وشه وده مش موجود، واللي بيجيب جول الدكه كلها بتجري عليه، ومستر كوبر بيهتم باللاعيبة اللي مش بتلعب عشان الإصابات كتير وممكن أي لاعب يلعب في أي وقت".
