"مافيش عدل".. ميدو ينتقد توزيع عوائد البث في الدوري المصري بسبب الأهلي

عبر الإعلامي أحمد حسام ميدو، عن استيائه من طريقة توزيع عوائد بث المباريات على أندية الدوري المصري الممتاز بشكل منفرد.

ميدو ينتقد توزيع عوائد البث في الدوري المصري بسبب الأهلي

وأوضح ميدو في تصريحات تليفزيونية عبر برنامج الريمونتادا على قناة المحور: "ليس من حق الراعي الإعلان عن قيمة عقود الرعاية، والأهلي بيعرف يسوق لنفسه بشكل كويس، الزمالك بيشتغل كويس برضو من ناحية شكل النادي ولكن فكرة التسويق لبراند نادي الزمالك لسة الزمالك محتاج يشتغل عليها".

وتابع: "فيما يخص نسب توزيع البث التلفزيوني هنا لازم نقف، براند الدوري المصري بيتباع، ورابطة الأندية بتوزع عوائد البث، ومفيش بلد في العالم بتبيع دوري منفرد وكل واحد لوحده، نفسي أفهم احنا ليه بنعمل كدة؟".

عاجل.. الزمالك يخاطب شركة تذكرتي بتخفيض تذاكر المباريات للجماهير

الأهلي يحسم مصير بيرسي تاو من المشاركة أمام الزمالك

واستكمل: "لازم يبقى في اتفاق خاص بشأن توزيع عوائد البث لكل الأندية بنسب مُعينة مش كل واحد لوحده".

وأتم: "هل يعقل إن في 4 سنين يتعرض على النادي الأهلي فلوس البث التلفزيوني 660 مليون جنيه كعوائد بث ويتعرض على نادي الزمالك 280 مليون جنيه يعني تقريبا أقل 40% من اللي معروض على النادي الأهلي، هل ده عدل ربنا؟ أنا مش بتكلم على عقود الرعاية دي شطارة من النادي اللي بيسوق للبراند لكن أنا بتكلم على عوائد البث".